728x90 AdSpace

Hot
Menu
Zon-ol na Donate

Latest News

SUANGTUNG MAW SEHNEL TUNG. Agelh ~ CK Khai

SUANGTUNG MAW SEHNEL TUNG.
Agelh ~ CK Khai


            A ki it mahmah lawmta nih ki khawlkawm in tuipi gei sehnel tungah lamsiau in hong ki hoho uhhi. Khatpa hong heh in a lawmpa beng hi. Bet a thuakpa in “Ka lawmpa in hong beng” ci-in sehnel tungah a khut tawh gelh hi. A den teh a nih-un tui sungah kimawl laitakin betna a tuakpa tui kia hi.A lawmpa in honkhia leuleu hi. Tuikiapa hong pai khia in suang tung ah “tu-ni ka lawmpa in hong hon khia” ci-in gelh hi. A lawm khatpa in lamdangsa in na pang kong bet teh sehnel tungah lai gelh in, kong hotkhiat teh suang tung na gelh pen bang na deihna hiam? ci-in dong hi.

A lawmpa in na “Khialhnate pen ciamteh nuam lo ka hihmanin a mang pah dinga, sehnel tungah a gelh ka hihi. A hi zongin na hoihna pen a tawntung in ciamteh nuam ka hih man in a mang theilo dingin suang tung ah a gelh ka hihi ci hi. Khialhna na neih hangin na hoihna mitsuan in hong it veve ning, ci hi.

           
Lawm hoih taktak te in i siatna ciam teh lo in hongmaisak a haksatna pan hong nusia lo mah hi. Tan 10 na zawh ni in hong lungdam pihte, lawm mah hi a na tan 10 kiat ni in hong hawh in tha hong pia te pen lawmhoih  a hihi. Innthak na lut-ni a hong hawhte zong na lawm hia, Innsap na munah hong hawh te na lawm hoih a hihi.
           
Paunak 17:17 “Lawm citakin a tawntungin hong it hi”

Lawmhoih na neih nadingin nang zong na hoih kul a na hoihman a hong itte pen lawm hoih hi khin lo hi.

A siapenpen mah hong it teitei Zeisu in lawmhoih pen hi.
Lawm hoih te in : 
-        Hong phat bek lo a hong puah kawm uhhi.
-        Hong makaih zo kei zong hong nusia lo hi.
-        Hong panpih zo kei zong hong langpan lo hi.
-        Hong phat zo kei zong hong gensia lo hi.
-        Hong huh zo kei zong hong taisan lo hi.



Source :
NA KISAP KHAT (Laibu)
Agelh – C.K. Khai
Ahawm khia :  Khan International Intercession Ministry – KIIMinistries


Laigelh C.K. Khai leh ahawmkhia KIIMinistries in Laibusaal / Zomi eLibrary  ading in Phalna ahong piak ahi hi.

  • Blogger Comments
  • Facebook Comments

0 comments:

Post a Comment

Item Reviewed: SUANGTUNG MAW SEHNEL TUNG. Agelh ~ CK Khai Description: Rating: 5 Reviewed By: cinpuzomi
Scroll to Top