728x90 AdSpace

Hot
Menu
Zon-ol na Donate

Latest News

Zomi Khangthak Maanzaihsiam Photographer ‘Thaw Thawn’ Mimal Tangthu leh Dotna, Dawnna tomno.

Zomi Khangthak Maanzaihsiam Photographer ‘Thaw Thawn’ Mimal Tangthu leh Dotna, Dawnna tomno.


Minpi  : Thang Thawn Sing @ Thaw Thawn
Suahni : June 4, 1994
Nu leh pa min- Rev. Nang Khen Khup Master of Divinity ( Church Pastor) , Go Suan Cing ( Housewife )
Beh : Hatlangh
Pute beh : Hatlangh
Status : Single (Tangval lai)
Pianna khua : Falam
Lawmngaih nei khin maw nei nai lo : Ka ngaih bel om. 😄😄
Khului : Kaptel
Tenna khua : Lawibual, Tedim
Pianpih sanggamte :
1.    Lia Huai San Nuam B.A (Business Science)
2.    Tg. Kam Sian Cin (Bachelor of Divinity)
3.    Tg. Pau Sian Piang



Khankhiatna : Tedim
Pilna sinna leh laitan :
-      Tan lang pan tan 4 အ.အ.က ၅,
-      Tan 5 pan tan 8  အ.ထ.က ၂ Tedim,
-      Tan 9 Kawlpi ေရႊေတာင္ပံ Boarder,
-      Tan 10 ciang Tedim,
-      Tu laitak အေဝးသင္ History kah hi.


Biakna pawlpi - Tuiphum Pawlpi
Pianthak kum - 2015
Tuiphum kum - 2012, Rev. Nang Khen Khup
Lai Siangtho bulphuh: Rom 8:9

Ukk :
-      Manzaih (Portrait),
-      Lasak (Choir, Quartet), 
-      Langaih (Music ngai  a limlakding ngaih sut),
-      Naupang tawh hunzat khop😇😇



Nasepna leh mapan na :
Mawng Laang khua ah General Worker kasep kawm in Sunday School ah mapang ing.

Nasep : General Worker (ေထြေထြလုပ္သား)

Tupna leh ngimna :
Pasian ong piak ka uk manzaih siamna tawh Zomite leitungbup ah kithei khiasak nuam ing. Tua pan Manzaih a sum kangah tawh Mission nasep ding mah ngim ing.

Photographer suah nang  hanciam na :
Manzaih pen ka ut mah mah khat hi in Camera ka uk tung in camera neilo in Phone ( Huawei C8816 ) tawh ka muh bang bang zaih hi mai. Bang cih dan a zaih ding cih zong thei se keng. 16GB ah ka manzaih pen 7GB bang dimzo ing.( man pong khat 2 MB kiim).  Tua pan camera nei ka theih te a suk a to ah zui himai amau camera mu nuam leh tawi nuam a( baih bel baih sam kei ). Tua pan Pasian in kei a ding lampi ong honsak in U Gin Kim Mang tawh ki theikha in tampi mah ong hilh in ong makaih. Ka sia ci leng kikhial ken teh. Aman ama camera mah zong ong zangsak in tampi na sin thei ing. Amah tung pan U Abraham Kim, U Mung, U Niang Niang Aung te kiang ah dong dong in akal suan thei hi ing. Tuapan Pasian heh pih na tawh hi dan ciang a tung hi ing.



Hih ciang na tun nang na dingin hanciamna :
Manzaih pen ka uk ma in video zaih ding 4 vei kipan ing. Camera, Computer, .. akisam khat zong ka neih loh ciang ka lung ong neu mah mah. Tua pan U Mang Bawi manzaih te mu in ama tawh ki kha in a Camera kawm in a kisin hi ing. Haksa ka sak gige khat ah bel ka tentan kah ding in Camera neilo in ka siapa in " na camera e?" kei zong a neilo pi pi " inn ah mang ngilh" ci in dawng pong. Camera uk khat tentan kah in camera mangngilh cih bel a omlo kha ding in um ing.  Ka lungbel neu lua ka khitui luangsim. Camera neilo pi in tentan kah in ka kah zaw nipi 2 khit ciang Pasian kiang pan Camera khat ngah ing. Pasian a minthang hen. Pasian thupha tawh ka tentan man ciang tudong mah 'Portrait' lam masak in  muh bang bang zaih ing. Min bel ong hai muh hun tampi om.  Dr. Pau Kam gen ka thangah mah mah khat " na uk pen na hai pih pian lel in. Tua hi leh matun ni teh" cin khalsang kah khat in ong ci ngei. Tua khalsang bel kei a ding ka gen theih zel hun khat hu. Man zaih hai a hai in ka lawm Khai Khai tawh Portrait zaih gawp zel. Ka hih theih laiteng nitak simin Lai Siangtho simin thu ngen in ki ap den ing.

Ka photo zaihvekpi :
A vek in phone leh camera gawm leng 15000 kiim pha in teh.

Mipi muh theih ding ka khak :
Mipi muh ding in ka khak pen ka fb lui a tawh ki gawm leh 1000 kiim pha in teh.

Mipil tel kammal leh ka bul phuh :
" Na lungsim khempeuh tawh Topa muanginla, nang theihna suang ken in" ~ Solomon
( Mipil kasak te in Lai Siangtho bulphuh khin lo uh. Tua hang Lai Siangtho pan thala den zaw ing) 

Zomi minam vai muh na leh deihsak na :
 Zomi te i ngah hamphat na mawk zat loh ding thupi sa ing. Pasian in thupha, talen leh siam na tuam tuam ong piak pen mawk zat kei ni. Pasian masuan in bulphuh  in minam lamsang in zun khawm ni.

Zomi media ka muh dan :
Media lam pen a kal masa zong ki suan zo nai kei in mu ing. Tua a hih ciang tun khang thak ten a nungta Pasian mah masak in Radio, TV Channel line, .... cih bang in a picing Media i suak nang mapangin ding zo leng.

Zomi' te lasak dan na muh na leh na deih sak na :
        Lasak lam pen ki khangto sa ing. Sian Nei bang siam sa mah mah ing.  Pasian ong piak siamna Pasian mah masak in kalsuan leng hoih sang.


Zomite Music lam ah na muhna leh na deihsak na :
 Music bel a siam tam mah mah ta. Aih hang Professional laphuak siam i om nang han ciam khawm leng ut ing.

Zomite Video/ Movie lam ah na muh na leh na deihsak na :
 Video lam bel ka uk mah mah hi gige in Zomi te video pen puahphat ding tampi om sang. Sum ngah ding sang a Quality nei video i ngah nang mapang khawm leng.

Zomite kimawlna lamah namuh na leh na deih sak :
 Kimawlna ong ki uk in a siam zong tampi mu ta ing. A mi thei keng ong ki gen khat" Zomite siamna pi in guihtheih khamtheih pan puk pah pah" ong kici. Zu leh sa pan ki puk pah pah in mu ing. Pasian ong piak siamna si leh sa lunggulh na tawh khek kei ni.

Mundang gamdang na painopna mun 3 :
1.    Dubai,
2.    South Korea,
3.    Spain ( Laliga en nuam 😁😁)

Zomi sungah lasak siam nasak mi 3 :
1.    Zamnu,
2.    Sangpi,
3.    iZomi

Zomi sungah laphuak siam nasak mi 3 :
1.    Sangpi,
2.    CK Khai,
3.    iZomi

Zolai tawh a ki bawl laibu na deih mah mah 3 :
1.    Makaih pilna ( Lian Muan Kim)
2.     Thuciam thak konghong ( Dr. Simon Pau Khan En)
3.    Lungsim limlangh ( Rev. Job Nang Khaw Thawng)

Leitung ah lasak siam nasak pen 3:
1.    Joey Rory,
2.    Bill Gather
3.    Ben Speer

Leitungah kimawl siam nasak pen mi 3 :
1.    Lionel Messi,
2.    Xavi,
3.    Beckham

Lai simna i Manphatna leh Athupitna' na muh dan tawm nong gen thei diam?
Laisim pen a hoih mah mah gamtat khat hi. Laisim in ong picing sak in ong lungduai sak sa ing. Laisim leng i lungduai zaw in zong mailam thu kikhual na in thu ki ngaih sun zaw sang. Gam khangto ding hita ih ciang  Lai Siangtho ban ah a dang khantoh nang laibu tampi simin i mimal nuntak na puah leng.

Kizop na ding :
Email : thawthawn2010@gmail.com
Ph : 09459600148
Facebook : Thor Thorn ( Thaw Thawn) link : https://www.facebook.com/thor.thorn.790

Ama ziah photos tuamtuamte atung aa facebook link ah om hi.

Dotna abawl :

Cinpu Zomi
  • Blogger Comments
  • Facebook Comments

0 comments:

Post a Comment

Item Reviewed: Zomi Khangthak Maanzaihsiam Photographer ‘Thaw Thawn’ Mimal Tangthu leh Dotna, Dawnna tomno. Description: Rating: 5 Reviewed By: cinpuzomi
Scroll to Top