728x90 AdSpace

Hot
Menu
Zon-ol na Donate

Latest News

Nang leh nang ki neu ngaihsut ken. Agelh ~ Mungsan

Nang leh nang ki neu ngaihsut ken.
Agelh ~ Mungsan


Nang leh nang ki thupi sim, ki pii muh kei le cin kua in nang ong thupit ngaih sut ding hiam?
Nang leh nang  ki ngaihsut na pen mihing khat nuntaak na aa ding in a thupi leh ngaihsut huai mahmah thu khat hi. Na ngaihsut nate tung ki nga in na mailam nuntak zia ding thu tampi ki gen khol thei hi. Mi tampi te in kiim leh paam huuzap na te ngaihsut luat in nei uh ahih man in  a ma ngaihsut , lunggulh na te nangawn sang in mi dang te muhna leh ngaihsut na tawh a nuntaak na uh hun tampi mawk bei sak uh hi.a mah leh a mah ki muanngam na nei lo, a mah sang in mi dang te a thei zaw, a thupi zaw ding in a ngaihsut mawk man hi. Tua bang nuntaak na in na lungnop na ding zah, na gualzawh ding zah tampi ong khak tan sak aa, paak bang in a vul pak ziau ding nuntak na sung aa hun hoih tampi mawk bei sak lel hi. Tua a hih man na lungsim ngaihsut na in nakpi in thupi hi.

Na khat pepeuh tuah sia den ki sa, kamsia den ki sa na hi hiam?
Na nuntaak na ah khialhna, hoih loh na te bekbek tawh ki dim ki sa  na hiam?
Leitung ah nang bek a khial na hi kei aa, nang bek a tuah sia zong na hi kei hi. Sen(china) gam a mi hau mahmah jackma a nuntaak na ah a sepna khempeuh ah a daupai, kampha mahmah den pa hi lo hi. A sepna khempeuh ah  khialh na ding bekbek tawh media te kawk kawk American kumpi Donald Trump ngaih sun in.lungkiat ding in ngaihsun hetlo a American makai tangthu ah a mah a hoih pen ding in ki gengen  lel hi. Gualzawh na thusim in lungkiat loh ding leh lungneu ngaihsut  loh ding a thupi pen ahihi. Hamsat na, tuahsiat na na tuak ciang in na lungneu thaneem na pen mihing  ngei na  ahih lam phawk in. A hih zong na lungkiat thaneem na tawh hun tampi beisak kei in! lungkiat thaneem na natna in sauvei lua leh dam hak zaw thei hi. Na dam kik ding haksa na sa lua kha ding hi. Na lungsim tha ong neem sak thei thu leh la te ngaihsun sun sun kei in! na tuahsiat , na khialhna te pan in pilna la in la na khantoh na ding kahlei in zang in.


Tu ni a na dinmun hi ciang na tun theih na a hang ngaihsun in la hamciam toto lai in. khialhna tuahsiat na sa te ngaih sunsun in guitheih khamtheih tawh ki diah in lunghamham na tawh bang mah na tangtun zawh loh ding thei in la leitung ah a ki cing nuntak na a nei mi khat zong om lo hi cih zong phawk tawntung in. nang bek thaneem na nei na hi kei hi. Khuttum cia a pha na khuak pen a beisa hun siatna thaneem nang tuamtuam koih nang in mun awng sak dah in.A khial ngei lo khat zong om lo hi.

 Lawm leh gual lenkhop pih te neihlehlam, inn leh lo tawh om ziahziah na pi nang leh nang lam et bei ki sa lua na hiam? Siavuan te dam zawh loh sih ding bek ngak aa om cancer nat na nei, nat na tuamtuam tawh lam et bei mi tam pi tak a lamet na uh hang in a dam kik aa kum tampi tak ci dam in nung ta mi tampi om hi.

Boxing ki mawl siam mahmah mi minthang te pen ki mawl na ah a lang khat te tuptuk(knockout) thuak ngeilo, a lel ngei lo te hi lo aa bang zah vei tuptuk(knockout) athuak hang in kua in zo cih  min a ki gen ciang lung kia lo aa a mah mah a zo ding a ki lam en veve a lung kia ngei lo te a hihi.

Midang te nuntak na tawh ki teh kak kak kei in. mihing te’n I phut khak hamsat na khempeuh ki gengen lo in mi te muhna leh theih ding a thupi I sak te bek ki genkhia thei zaw hi. Na ki teh pih te nuntak na ah a phut khak te uh banghiam thei le cin na eng khol loh zong tampi om lel ding hi. Na hih na bang tawh lung dam in la kua mah tawh ki tek kakkak kei le cin lungkiat na tawh na ki pelh zaw ding hi. Nang leh nang ki muanngam na lungsim neih ding ki sin in. na lamet loh na lianpi pi na sep zawh, na sep theih lam na ki tel ding hi.

 Mihing nuntaak na ah Dau pai, ma vang den keei cih a om theih loh mah bang in guallel tuah sia den cih zong om tuan lo hi. na lam et ding Thu hoih tampi om lai hi. Nang sang gina lo zong mi tampi om hi. Lung neu thaneem na ki zo sak kei in. Na hih zo ding hi, na sem thei hi. Nang leh nang na ki muan nak leh na ngim, na lunggulh na tangtun zo ding hi. A ki sam pen in na lungsim ngaihsut na hi. Nang leh nang ki neu ngaihsut kha kei in.


from:Lengtong Hoih 
to:Cinpu Zomi <cinpuzomi@gmail.com>
date:Thu, Feb 1, 2018 at 7:13 PM
subject:Short article
mailed-by:gmail.com
  • Blogger Comments
  • Facebook Comments

0 comments:

Post a Comment

Item Reviewed: Nang leh nang ki neu ngaihsut ken. Agelh ~ Mungsan Description: Rating: 5 Reviewed By: cinpuzomi
Scroll to Top